Bakıda ana fəryadı - VİDEO
Hadisə | 08.11.2017 11:36
1156

Bakıda ana fəryadı - VİDEO

Bakının Nərimanov rayonu, Ceyhun Hacıbəyli və Nəsib bəy Yusifbəyli küçələrinin kəsişməsində baş vermiş ağır yol-nəqliyyat hadisəsinin görüntüləri Daxili İşlər Nazirliyinin “Təhlükəsiz şəhər” kamerasına düşüb.

Avtosfer.az-ın Baş Dövlət Yol Polisi İdarəsindən əldə etdiyi həmin videoda bir neçə diqqətçəkən məqam var. 

İlk olaraq onu qeyd etmək lazımdır ki, qəzaya səbəb qara rəngli “Mercedes”in sürücüsüdür. Belə ki, yüksək sürətlə hərəkətdə olan həmin avtomobil svetoforun qırmızı işığında hərəkəti davam etdirir. Bu zaman sağdan gələn digər “Mercedes”lə toqquşur. Hər iki avtomobilin ön tərəfi əzilərək yararsız hala düşür. Hər iki avtomobildəki insanların sağ-salamat yerə düşdüyü aydın görünür. Amma burada tükürpədici bir məqam da var. O da qəzaya səbəb olan “Mercedes”dən düşən gənc ananın körpə balası üçün atdığı addımdır. Digərləri avtomobildən düşüb özünə, sağa-sola baxdığı halda, həmin qadın arxa qapıdan düşərək nəqliyyat vasitəsinin o biri tərəfinə qaçır və digər sərnişinin qucağında olan körpə balasını qucağına alaraq yolun kənarına gedir.

Bu, əslində, bir ananın övladı üçün düşünmədən, heç nəyə baxmadan hər şeyi edə biləcəyini göstərir. Bu video həm də onu göstərir ki, avtomaşında ailəsi, körpəsi olan sürücü onların həyatını təhlükəyə ataraq kobud qayda pozuntusuna yol verir.

SİZİN REKLAMINIZ BURADA! [email protected]


Paylaş
Facebook səhifəmizi bəyənin
Bu haqda nə düşünürsən?
Загрузка...
Loading...
loading...